قصيدة انكساري للشاعر سعد بن علوش

انكسرت من الفراق وشوف عيني
شوف عيني وانت تدري بانكساري
كل مامديت لوصالك يميني
رحت تتجاهل يمني مع يساري
حتى صرت اشوف جرحك في يديني
في يديني لجور صداتك مواري
حس فيها لابلاهاحس فيني
لاتعبرها لكن رد اعتباري
وين مقفي جعل منت بمنتويني
للجفا والخوف وانواع العزاري
ياهلي يانصف ربعي ياخديني
يامواني غربتي ياروح داري
ياشموخي يانكشافي يادفيني
ياعلوي يابقائي يانحداري
يابداياتي يامائي يااكسجيني
يااندثاري يااعتدالي ياازدهاري
يابلادة حسي وقمة حنيني
يااختياري لاياعشواء اختياري
اعشقك من عادني في اول اسنيني
لين صرت اخذ مع نفسي قراري
من عرفتك وانت ثالث والديني
واللجوء اليك يعنيلك فراري
ضمني خل الضرر بينك وبيني
الضرر من ضمتك شي اضطراري
خل ادينك من الجور اتحميني
من جنود يعيشني لين انصهاري
كل ماضاقت بعيني يامعيني
ابتسمت وصارلي ليلي نهاري
فلاسكت تروح بالطيش تحكيني
رجعي بطبعك وباسلوبك حضاري
ماذبحني فيك الا انك تبيني
وماسحرني الاحكاك الاستعاري
لاحكيت احس باشياء تعتريني
ينخشع قلبي وتطري له طواري
اعشق حكيك واحفظه ياضنيني
حفظ بن تيميه لحكي البخاري
ولاسكت احط يدي في جبيني
وارجي الله مايطول بانتظاري
وادري اني عندك واسالك ويني
داري لكن ماكني بداري
لين شيطاني تلفظ كلمتيني
رحت مني ماتبي سمع اعتذاري
لاتبكيني وتفرح عاذليني
لاتخسرني عد كبر انتصاري
لاتخليني بعد فيضة كنيني
وانت خابرني على الوصل انتحاري
لاتروح بروحتك كلن يجيني
ماني مكابر ولاحتى مداري
انكسرت من الفراق وشوف عيني
شوف عيني وانت تدري بانكساري
وسلامتكم وكل عام وانتم بخير
وعساكم من عواده اخوكم سلطان

صلوا على النبي

الله يعطيك العافية

مشكوره