ماتغير شي لاكن صار فاضي هالمكان
يعني انت شفت قلبي طحت من عيني وعينه
" كان " لك قلبي مدينه ولاحظ اني قلت كان ..
يعني انت الحين واحد خارج حدود المدينه!
ليه مستغرب كلامي وليه اعطيك الامان ؟؟
وليه تكذب في كلامك العذر وينك ووينه ؟؟
ماألومك كان قلبك ثارت امواجه وخان ..
الخطا مني لأني صرت في بحرك سفينه
والسؤال اللي كتمته ومانطق فيه اللسان ..
كيف ايدك اطعنتني وانا أحسبها أمينه ؟
جرحي مايرضيه قلبك لو يجي كله حنان
لو تبوس الجرح فيني ولو تقبلها يدينه!
يوم أحبـك .. قلت كلمه : "يكرم المرء أو يهان"
وانت قلبي ماكرمته وما قدرت انك تهينه ..
(عزتي) ماهي جديده أنا شامخ من زمان
اغسل ايدك من جروحي وروح ياابن اللذينه
طاب خاطر قلبي منك وهذي الفرقا رهــان
وحتى لو قلبي يحبك ربي بفرقاك يعينه !
جاي تسأل عن مكانك!! هو بقى فيني مكان؟
الله يرحمها المشاعر اللي كانت لك رهينه ..
قلت لك قلبي مدينه فيها لك حشمه وشان
لاكن انت الحين أغرب شخص في هذي المدينه ...
منقول من يحيون الزدجالي ,,
الجمعة 20 يونيو 2008, 08:58
