إذا جاك خبر موتي .. لا تبكيني

أنا أهنيك من قلبي قدرت إنك تبكيني
وحق الله يالغالي أنا من القلب هنيتك

كذا روحي تعللها ولا لي من يواسيني
وأنا اللي بكل معنى الحب والإحساس حبيتك

أهون عليك وحياتك ! كذا وحدي تخليني
تنسى عشرتي وتروح وعمري بلحظة ما نسيتك

حبيبي قول ما بقلبك إذا زعلان صافيني
تدري كم أنا أحبك وتدري كم صافيتك

أنا مقدر على زعلك ولا إنك تجافيني
عساني ما تهنى لو أنا في يوم جافيتك

أريدك ما تصدقهم كل اللي حكو فيني
عذول وفيهم الغيرة عشان بعمري أنا فديتك

حبك ساكن بقلبي ويجري في شراييني
عشقتك يوم ماشفتك وخليل الروح سميتك

تدلل بس على روحي ولو تطلب نظر عيني
وحق الواحد المعبود معاه القلب أنا عطيتك

ولك عهد الوفا مني أقضي عندك سنيني
مطيع بكل ما تأمر ولو حارس على بيتك

مُنى نفسي أنا أشوفك ولو خلسة بيكفيني
ملكت الكون ساعتها وتاج الراس خليتك

حبيبي لا تعذبني تراه البعد يظنيني
ورجيتك لا تحسسني أنا غلطان غليتك

نار العشق يا عمري ترى بالله تكويني
تشعل في وسط صدري بأول يوم أنا ريتك

حبيبي عوّد لي رجواك قبل موتي يوافيني
قبل لا تنطفي شمعة زمان كان مضويتك

مليك الروح لا تنسى إذا ما تقدر تجيني
تذكر يا بعد عمري .. كم أنا تمنيتك

وإذا جالك خبر موتي أنا ما أريد تبكيني
أنا ما أريد أتعذب عشان بيوم بكيتك

ترى لي بس طلب واحد أنت اللي تواريني
تلبسني الكفن بإيدك .. قبري تلحّده بغيتك

ولو تسمح بدل إسمي شهيد الحب سميني
وعلى قبري إزرع وردة دخيل الله ترجيتك

ودوس القبر بأقدامك ولوما تطالعك عيني
ترد الروح في جسمي وأنا بالطيف ناديتك

وتذكر قسوتك عندي وظلمك يوم ناسيني
ولما تلعب بقلبي شرى لعبة مسليتك

وسجل في كتاب الدهر كل اللي جرى فيني
عساه الدهر ينصفني .. وأنت بعد ياريتك

يا الله كلمات حزينه ومليئه بالمشاعر

جميل جدا بل رائع

شكرا اخى على الموضوع المميز وانتظر منك الجديد