حبيبتي
لو البدر
ينسى يجي..
لو المطر
يسقط خفي..
لو البحر
يرحل ويختفي..
بيبقى قلبي
ايه قلبي..
صادق في حبك..
وفي
الشاهد الله بدونك ضايق
صدري يفز قلبي لاجابك
الطاري انا ذبحني غيابك
وانت ماتدري قلبك بعيد
وعيونك تسكن افكاري
اسوق عمري غلا يوم
الغلا مشري وابيع كل
البشر واصير لك شاري
ماينفع نكون احباب
تمنعنا كثير اسباب
عيبي معك صادق
وعيبك معي كذاب
روح ابتعد وانسى
ومثلك انا بنسى
عيش الفرح كم يوم
ظالم ويجي لك يوم
انا بدنيتي قررت
لا حب بعد اليوم..
ياوقت وش باقي حزن بعد تخفيه
اظن حزن الناس كله وصلني
كل التعاسه والالم عايش انا فيه
حتى الامل خيب بها اليوم ظني
ياوقتي ترفق ترى القلب كافيه
كثر الماسي والعذاب يحتويني
ماعاد باقي حيل همي اداريه
لو بكتم الدمع غصب يفضحني
ياوقت خذ عمري اذا كنت تبغيه
او خذ سنين الهم والحزن مني
مات الامل فيني ولا شي يحييه
بعد الامل كل الرجا راح عني
ياوقت يكفيني بكيته وابكيه
عمري انقضى مابين صبر وتمني
ياوقت تكفى خافقي بس راعيه
والجرح لي به ياخذ بالتاني
ماغبت عن بالي ولو كنت غايب
زولك وقف مابين قلبي وبيني
حبك طغى زوده جميع الحبايب
ابيك دام انك حبيبي تبيني
ابيك جنبي في جميع المصايب
حبيبي
قربك يزيل الهم في كل حيني
انت العمر انت الفرح والقرايب
انت الامل لاغاب لحظة يجيني
القلب صار اليوم في الحب ذايب
ابيك...
ابيك دايم طول وقتي تجيني
الله يديمك دون من وطلايب
تاج على كل الغلا محتويني
يازين حبك مثل بيض السحايب
في وسط قلب زان بالحب فيني
اغليك ياغاية مناي وحنيني
ماانساك حتى فوقي تبنى النصايب
وتبكي على قبري بقايا السنيني
ينجـرح قـب لكن تــرتفع هـامة
والله اني لـ-- مـوت ولايـنحـني راسي
لورماني زماني وسط دوامة
العـواصف شـديـدة والـبل راسي
انقل الحزن وامـشي منتصب قامـة
قاسي الوقـت لكني بعد قاسي
واسـمع الـحـلم يصـرخ لـحظـة اعدامة
ربـط الجـاش ماهـز الخبر باسي
عـزتي غـالـيـة والـناس سوامة
ما اطـيـع حـتيى تقـطع انـفـاسي
زانت ايام عمري شانت ايامة
مارجيت العزاء مـن رحـمة الـناسي
مـن عجزلا يدوس الهم بقــدامة
لازم انة مع الايـام ينـداسي
يـنـدمل جرح قلب ماتت احلامـة
بس ماضن يبرا جرح الاحـساسي
يـوم صارت مابيـن القـلب والهامة
ويش ابـي بالحـياة اليا انـحـنى راسي
مرحبا ضيوف عليـه
وإن تعذرتوا معك طير الســعـد
ما يجوز الغصب لك وأنتي بنيه
لاكن العــوده ولازم مــن وعـــد
إن عطاني الله عمر ولي بقيه
لازم أرجع مع هلي لك يوم غــد
وإن تفارقنا تذكــرك المطيــــه
وجعل يخلفنا على ديارك رعــد
ليتني هندي معك يا الغشـمريه
وإن ذالهندي في المفلا قعــــد
ليتني وياك نرعـــى بالرعيــــه
أو ليت قلبي خبل لا رحتي هجد
تجفي هواك بدنيا الهجر ولا لك اسباب
تزرع بقلبي الحزن وروحي لها منك زود الطلايب
ترحل وانا سنيني ترتجي منك عشق الاحباب
تفزع لعيونك غلا وتنثره فوق السحايب
تبعد وتقسى حياتك وهبتها لدنيا الاغراب
وانا حياتي بدونك مالها غير زود الصعايب
غرتك الايام يا مجفي والغدر فيك غلاب
وانا ايامي سهم على صدر الزمن صايب
ما اخطي بوفاي لو غدى الوصل مني ينساب
انا الوفى فيني حكايه ومن السبع العجايب
غارق في نفسي بهواك
بعادك وهجرك ونسيانك كلها سبايب
ياللي حكمت السعاده والفرح بدنياي غياب
انا بدنيا خيالي طيفك الحاضر الغايب
وصلت حدي بالغلا كيف بغليك؟!
كل الكلام مقصر لايطولك..
من كثر ماحبك أعاندك وأبديك..
وأحب من حبك ومن كان حولك..
وآخذ غلا من حبني حيل وأعطيك..
حتى أكون بحجم حبك وقولك.!!
صاحبي من دونك العالم صعيب
يسكنه حزن ويغشاه السكون
الفرح عن دنيتي أصبح غريب
والسعادة صاحبيصارت شجون
من ملكت القلب أصبحت لي قريب
شخص أحبه وأعشقه حد الجنون
كل أحزاني بقربك لي تطيب
يا بعدروحي يا خلي الحنون..
لو إلتهـــــــينا
بالزمن مانسينا
نــــاس عزيزة
والمعزة وهايب
ان غاب غيرك
يفقد الكون انسان
وان غبت عني
أفقد الكون كله
كلن يقول الوفا
صعب تلقاه
وأنا أقول ان الوفا
فيك مخلوق..!!
كنت أضن الحب وسط القلوب!
أثر حبك مالي الدنيا علي!
دايم مشرق ولا يعرف الغروب
منور ونوره تعدى كل ضي!
كان حبك غلطتي ماراح أتوب
راح أحبك لو كواني الحب كي!!
لي فؤاد في الهوى دايم يذوب
من عرفك وأنت عنده كل شي.
"علميني" لاصارت الدنيا تعاندني لمين أبوح؟؟
"علميني"لا صاروا أصحابي أغراب وين أروح..؟
"فهميني"إذا احتجت لك في ليلة ظما ومالقيتك كيف أعيش؟؟
"فهميني"لو ضاع الوقت مني ورحت أنت عني ...
ليه أعيش؟؟؟؟؟
عمري مافكرت بلحظة
أجرح إحساسك بكلمة
حتى لو تجرحني
أضحك وبعيوني الدمعة..!!
كثر الغلا علمني
أصوم على صوتك
حتى لو ماتكلمني
ابرسل وأسمع سكوتك!!
أريدك تسأل عيونك وقلبك
من اللي مرخص عمره عشانك
بتلقى عاشق هايم بحبك
حفظ عهد الهوى لاجلك وصانك...
الوفاااااا في غير قلبك مالقيت
وان مدحتك بالقصايد ماوفيت
اعتذر ان كان في يومن قسيت
والعذر إن كان صديت أو جفيت
أنت حد السيف لامني اعتريت
وانت أغلى شخص في عمري لقيت.
خلك معي لاتاخذك بعض الأفكار..
دنيا مضت لاتحسف عليها..
لاتشتكي لي من عنا الوقت لي جار
أنا بعد دنياي تعبان فيها.!
أرسم لك البسمة وأنا داخلي نار
حتلى السعادة بالخداع أشتريها.!!
أنا ورب البيت لو يخذلونك
مهما حصل لايمكن أخليك
تفهمك ناس وناس مايفهمونك
وتتبع ناس وناس تتبع خطاويك
ناس تفكر همهم يسعدونك
وناس تفكر كيف تقدر تبكيك
لاتشتري من حاولوا يخسرونك
ولاتخسر اللي فكر بيوم يشريك..
وأخيراً
وفاي من طبع أبوي."اكتسبته"
الأحد 15 يونيو 2008, 19:37
